BCAMek Severo Ochoa Bikaintasun Zentroak eta María de Maeztu Bikaintasun Unitateak aintzatesteko ekitaldian parte hartu du

• CaixaForum Madriden irailaren 5ean, osteguna, ospatu zen zeremonian, Basque Center for Applied Mathematics (BCAM) erakundeak hirugarren jarraian Severo Ochoa akreditazioa jaso zuen – akreditazioaren ikertzaile nagusia Luis Vega da-, Severo Ochoa Bikaintasun Zentro gisa.
• Estatuko Ikerketa Agentziak ematen du sari hori, eta BCAMek Espainiako zientzia-erakunde garrantzitsuenetako bat bilakatzen du. Ekitaldian izan ziren BCAMetik Jose A. Lozano, BCAMeko Zuzendari Zientifikoa, Javier Fernández de Bobadilla, Ikerbasque Resarch Professor eta Miguel Benítez, Project Manager.

CaixaForum Madriden irailaren 5ean, osteguna, ospatu zen zeremonian, Basque Center for Applied Mathematics (BCAM) erakundeak hirugarren jarraian Severo Ochoa akreditazioa jaso zuen – akreditazioaren ikertzaile nagusia Luis Vega da-, Severo Ochoa Bikaintasun Zentro gisa.

Estatuko Ikerketa Agentziak ematen du sari hori, eta BCAMek Espainiako zientzia-erakunde garrantzitsuenetako bat bilakatzen du. Ekitaldian izan ziren BCAMetik Jose A. Lozano, BCAMeko Zuzendari Zientifikoa, Javier Fernández de Bobadilla, Ikerbasque Resarch Professor eta Miguel Benítez, Project Manager.

Ekitaldia zientzia- eta ikerketa-arloko pertsona nabarmenen parte-hartzearekin hasi zen, Javier Solana "la Caixa" Fundazioaren Batzorde Zientifikoko presidentearen ongietorri-hitzekin. Domènec Espriu Estatuko Ikerketa Agentziako zuzendariak ere parte hartu zuen, eta sari horiek herrialdean abangoardiako ikerketa bultzatzeko duten garrantzia nabarmendu zuen.

Diana Morant Zientzia, Berrikuntza eta Unibertsitate ministroak eman zion amaiera ekitaldiari, eta ikerketa eta berrikuntzak aurrerapen sozial eta ekonomikoaren eragile gisa duten garrantzia azpimarratu zuen.

Elkarren segidako hirugarren akreditazio horrekin, BCAMek bat egin du Espainiako 12 erakunde zientifikoen zerrendarekin, eta mugarri hori lortu duen Euskadiko lehen zentroa izan da.

Ekitaldiari amaiera emateko, 2018tik 2023ra bitartean akreditatutako zentro guztiek parte hartu zuten familia-argazki batean, erakunde horiek bikaintasun zientifikoarekin duten konpromisoa gogorarazteko.

Aitorpen horrek indartu egiten du BCAMek matematika aplikatuaren esparruan betetzen duen zeregina, eta berretsi egiten du datozen urteetan nazioartean eragin handiko ikerketen buru izaten jarraitzeko duen gaitasuna. Izan ere, esparru hori funtsezkoa izan da eragin handiko teknologiak eta irtenbide zientifikoak garatzeko hainbat sektoretan, hala nola adimen artifizialean, energian, biomedikuntzan eta iraunkortasunean.