UPV/EHU-BCAM Gela Teknologikoa

Gela Teknologiko berria UPV/EHU eta Basque Center for Applied Mathematics-en arteko lankidetza hitzarmenaren emaitza da

Fernando Plazaolak, Euskal Herriko Unibertsitateko Zientzia eta Teknologia Fakultateko dekano gisa, eta Jose Antonio Lozanok, Basque Center for Applied Mathematics erakundearen zuzendari zientifiko gisa, lankidetza hitzarmen bat izenpetu dute UPV/EHU-BCAM Gela Teknologikoa sortzeko. Lankidetza horri esker Gradu Amaierako Lanen, Master Amaierako Lanen, baterako praktika eta beka programen eta baterako master eta doktorego programen baterako zuzendaritza ahalbidetuko da, ikasleei zuzendutako ikastaroak eta jarduerak antolatzeaz gain.

Bestalde, Gela Teknologikoak I+G proiektuetako baterako partaidetza sustatuko du, besteak beste, UPV/EHU eta Basque Center for Applied Mathematics-en interes komunak diren gaien esparru irekian. Halaber, Gela Teknologikoko jardueretan parte hartzen duten ikasleek BCAMen karrera profesionala garatu ahal izatea erraztuko du, eta baterako argitalpen zientifiko-teknologikoak egingo dira, lankidetzako ikerketaren emaitzak ezagutzera emateko.

Unibertsitatea-enpresa-gizarte

Unibertsitatea-enpresa-gizartea Gelak UPV/EHUren eta Gelak finantzatzen dituzten erakundeen arteko lankidetzarako espazioak dira. Gela horien helburua UPV/EHU eta erakunde laguntzaileen baterako ikaskuntza eta ikerketa sustatzea da, hartara profesionalen trebakuntzan bikaintasuna ziurtatuta, eta ezaguerak enpresei, ikerketa zentroei eta gizarteari helarazita. Hiru Gela mota daude: enpresa Gelak, enpresekin egindako lankidetzarako; Gela teknologikoak, BCAMen moduko ikerketa zentroekin egindako lankidetzarako; eta gizarte Gelak, gizarteko erakundeekin lankidetza ezartzeko, besteak beste, GKEak, fundazioak, kultur erakundeak, etab.